Welkom terug by die Inkvisklub, waar tentakels, koekies en planne altyd deurmekaar raak! In hierdie derde avontuur leer Jors, Michie, Marries, Chelly, en selfs Peanut, dat die lewe vol verrassings is: van sout-muffins wat soos ’n wetenskap-eksperiment smaak, tot geheime dagboeke, prinsesplanne en jakkalsmaskerpieknieke onder die sterre. . Maar dis nie net chaos en giggel nie – saam met Professor Tentaklus, die inkvis met ’n bril en ’n hart (dalk drie!), ontdek die klub hoe klein woorde soos “asseblief” en “dankie” magiese kragte het, hoe vriendelikheid soos ’n vuurhoutjie ander se harte aansteek, en hoe selfs ’n stilte-skool jou meer kan leer as ’n lawaaierige dag. En natuurlik is daar groot vrae ook: Hoe spandeer ’n mens jou sakgeld slim? Kan jy dapper wees al bibber jou knieë? En is liefde rêrig soos planktonpoeding? Een ding is seker: saam met die Inkvisklub word elke dag ’n storie wat jy lank gaan onthou – met ink, lag en ’n bietjie chaos!
